მულტიფუნქციური სატრენინგო ცენტრი გთავაზობთ შემდეგ მომსახურებებს:

1. ყოვლისმომცველი სატრენინგო პროგრამები

● ტრენინგების უზრუნველყოფა არსებული მოდულებით ჩვენი დინამიკური და ეფექტიანი ტრენინგ პროგრამები შექმნილია პროფესიული თუ პიროვნული განვითარების სხვადასხვა საჭიროების დასაკმაყოფილებლად. ჩვენი პროგრამები მოიცავს თემების ფართო სპექტრს უნარების გასაუმჯობესებლად, ზრდის ხელშეწყობისა და ინდივიდებისა და ჯგუფების გასაძლიერებლად. თითოეულ სასწავლო პროგრამას გააჩნია საგულდაგულოდ განსაზღვრული ინდივიდუალური ფასი. ეს უზრუნველყოფს, რომ თქვენ გადაიხადოთ კონკრეტული ღირებულება შემოთავაზებული ექსპერტიზის, მონაწილეთა რაოდენობისა და ტრენინგის ხანგრძლივობის მიხედვით. ტრენინგების შესახებ დეტალური ინფორმაციის სანახავად შეგიძლიათ იხილოთ ჩვენი კატალოგი: [ლინკი]

● კლიენტზე მორგებული ტრენინგ მოდულების შექმნა და მიწოდება შეგიძლიათ მიიღოთ პერსონალიზებული სასწავლო პროგრამები, რომლებიც შექმნილია თქვენი ორგანიზაციის, ან სამიზნე ჯგუფის უნიკალური საჭიროებების დასაკმაყოფილებლად. ჩვენი ექსპერტ-ტრენერები მჭიდროდ თანამშრომლობენ კლიენტებთან, რომ შეიმუშაონ თქვენს ინტერესებზე მორგებული სპეციალური სატრენინგო პროგრამები. 2. სასწავლო ფართის გაქირავება გთავაზობთ სატრენინგო სივრცეს ტრენინგებისა და საქმიანი შეხვედრებისათვის. სივრცე აღჭურვილია ყველა საჭირო რესურსით ეფექტიანი სწავლებისა და შეუფერხებელი სამუშაო პროცესის უზრუნველსაყოფად. ცენტრში განთავსებულია ორი სატრენინგო ოთახი, თითოეული გათვლილია 15-20 მონაწილეზე. უზრუნველყოფილია ყველა აუცილებელი ტექნიკური საშუალება (პრეზენტაციის ეკრანი, პროექტორი, აუდიო სისტემა, დაფა და სხვა). სატრენინგო სივრცე მდებარეობს შემდეგ მისამართზე: ქ. თბილისი, ალ. ყაზბეგის #53, I სადარბაზო, მე-2 სართული, ბინა 4, 0160.

ახალგაზრდული ჰაბის საქმიანობა თემში მცხოვრები ახალგაზრდების გაძლიერებასა და განვითარებისკენაა მიმართული. ჰაბი მოიცავს ალტერნატიული ზრუნვისა და ოჯახის გაძლიერების პროგრამების მიღმა არსებულ საჭიროებებს - მთავარი მიზანი ახალგაზრდების თემში ინტეგრირება, მათი ცნობიერების ამაღლება და სოციალურ ურთიერთობათა ქსელის გაფართოებაა.

პროგრამები მოიცავს ცხოვრებისეული უნარების განვითარებას, ახალგაზრდული აქტივიზმის წახალისებას, განათლებისა და კარიერული წინსვლის მხარდაჭერას, ასევე მენტორობისა და კონსულტაციის სერვისებს. აქტივობები ხორციელდება ადგილობრივ და საერთაშორისო პარტნიორებთან თანამშრომლობით.