მეგობრობის ისტორია - საჭადრაკო კლუბი მერანი

19.02.2026

როდესაც ახალს სწავლობ, ყველაფერი უფრო საინტერესო ხდება. სწორედ ასეთი სიახლეებით დაიწყო თებერვალი SOS ბავშვთა სოფლის ქუთაისის პროგრამებში.

გვიხარია, რომ ჩვენს ორგანიზაციას ახალი მეგობარი და მხარდამჭერი გამოუჩნდა — ააიპ საჭადრაკო კლუბი „მერანი“ და მისი ხელმძღვანელი, მერი ჟორჟოლიანი.

რას გულისხმობს თანამშრომლობა?

გაფორმებული მემორანდუმის ფარგლებში, საჭადრაკო კლუბი „მერანი“ ჩვენი ბენეფიციარებისათვის (ოჯახის გაძლიერების პროექტი, მცირე საოჯახო ტიპის სახლები, დედათა და ბავშვთა თავშესაფარი) ჭადრაკის გაკვეთილებს სრულიად უსასყიდლოდ ატარებს.

ბავშვები უკვე აქტიურად ეუფლებიან ჭადრაკის ხელოვნებას. კლუბმა მათ საჩუქრად სახელმძღვანელოები და საჭადრაკო დაფებიც გადასცა. 

„ჩვენთვის მნიშვნელოვანია, რომ თითოეულ ბავშვს ჰქონდეს წვდომა ისეთ აქტივობებზე, რომლებიც მათ პიროვნულ და ინტელექტუალურ განვითარებას შეუწყობს ხელს.“ - ლელა ბარაბაძე, ქუთაისის პროგრამების დირექტორი.

ჭადრაკი ბავშვებს ეხმარება კონცენტრაციის, სტრატეგიული აზროვნებისა და მოთმინების უნარების განვითარებაში. პირველი ნაბიჯები უკვე გადადგმულია და ჩვენი პატარა დიდოსტატების სამზადისი დიდ გამარჯვებებამდე ოფიციალურად დაწყებულია.

SOS ბავშვთა სოფელი დიდ მადლობას უხდის კლუბ „მერანს“ თანადგომისათვის. გვჯერა, რომ ქველმოქმედების ძალა ერთობაშია და მსგავსი პარტნიორობები ბავშვებს ახალ შესაძლებლობებს უხსნის.

გააზიარეთ სასურველ მედიაში

მსგავსი პროგრამები