ოჯახებისა და ახალგაზრდების გაძლიერების გზით სოციალური და ეკონომიკური განვითარების მხარდაჭერა ზუგდიდის მუნიციპალიტეტში
2023-2025
პროექტის მთავარი მიზანია, ქ. ზუგდიდში, სოფელ რუხსა და სოფელ კოკში მცხოვრები სოციალურად დაუცველი 0-18 წლამდე ასაკის 200 ბავშვისა და 150 მზრუნველის დახმარება, რომლებიც სხვადასხვა სოციალური ფაქტორის გამო საჭიროებენ მხარდაჭერასა და დახმარებას.
პროექტის ფარგლებში ასევე, დაგეგმილია სამიზნე თემში მცხოვრები 50 ახალგაზრდის სოციალური და ცხოვრებისეული, ასევე, დასაქმებისა და სამეწარმეო უნარების განვითარებაში დახმარება.
პროექტი ასევე ითვალისწინებს, სამიზნე სოფლებში მდებარე საჯარო სკოლების მხარდაჭერას, პროფესიული ორიენტაციის პროგრამის პილოტირებისა და გენდერული თანასწორობის საკითხებზე ცნობიერების ამაღლების კუთხით.
მსგავსი პროგრამები
ლტოლვილობიდან ინკლუზიამდე: უკრაინელი ოჯახების მხარდაჭერა ადრეული განათლების, ფსიქოსოციალური დახმარებისა და თემში ინტეგრაციის გზით
„ეს-ო-ეს ბავშვთა სოფლები მსოფლიოს მასშტაბით“ (SOS-Kinderdörfer weltweit) ფინანსური მხარდაჭერითა და თბილისის საბავშვო ბაღების მართვის სააგენტოსთან თანამშრომლობით, „საქართველოს ეს-ო-ეს ბავშვთა სოფელი“ ახორციელებს 21-თვიან პროექტს - „ლტოლვილობიდან ინკლუზიამდე: უკრაინელი ოჯახების მხარდაჭერა ადრეული განათლების, ფსიქოსოციალური დახმარებისა და თემში ინტეგრაციის გზით“.
2025-2027
გენდერული თანასწორობის ხელშეწყობა და ბავშვთა მიტოვების პრევენცია ზუგდიდის მუნიციპალიტეტში
2020-2022 წლებში, ავსტრიის განვითარების სააგენტოსა და ავსტრიის ეს-ო-ეს ბავშვთა სოფლის ფინანსური მხარდაჭერით, საქართველოს ეს-ო-ეს ბავშვთა სოფლის მიერ განხორციელდა 3-წლიანი პროექტი - „გენდერული თანასწორობის ხელშეწყობა და ბავშვთა მიტოვების პრევენცია ზუგდიდის მუნიციპალიტეტში“.
2020-2022
იმერეთის რეგიონში მცხოვრები 230 მოწყვლადი ოჯახის ფსიქო-სოციალური და ეკონომიკური გაძლიერება
2016-2019 წლებში, გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის ფინანსური დახმარებით, საქართველოს ეს-ო-ეს ბავშვთა სოფლის მიერ განხორციელდა პროექტი - „იმერეთის რეგიონში მცხოვრები 230 მოწყვლადი ოჯახის ფსიქო-სოციალური და ეკონომიკური გაძლიერება“.
2016-2019