ჯანსაღი ცხოვრების წესის პოპულარიზაცია ზუგდიდის მუნიციპალიტეტში
2017
ჯანსაღი ცხოვრების წესის დაცვა მნიშვნელოვანია ბავშვის ფიზიკური და ფსიქო-ემოციური განვითარებისთვის. შესაბამისად, ბავშვების სპორტულ აქტივობებში ჩართვა ხელს უწყობს მათი თვითშეფასების ამაღლებას, აკადემიური მოსწრების გაუმჯობესებას, შფოთვის დაძლევას, თვითგამოხატვისა და სხვა სოციალური უნარების განვითარებას. შესაბამისად, პროექტის ფარგლებში, საქართველოს ეს-ო-ეს ბავშვთა სოფელმა მჭიდროდ ითანამშრომლა ინგირის N2 საჯარო სკოლასთან და გადასცა სპორტული ინვენტარი, რათა სკოლის მოსწავლეებს სპორტული აქტივობების დროს შესძლებოდათ მათი აქტიური გამოყენება.
პროექტს მნიშვნელოვანი მხარდაჭერა გაუწია ზუგდიდის მუნიციპალიტეტის მერიამ და აფხაზეთის ავტონომიური რესპუბლიკის მთავრობამ.
მსგავსი პროგრამები
მოწყვლადი ოჯახების ფსიქო-სოციალური დახმარება და ეკონომიკური გაძლიერება ზუგდიდის მუნიციპალიტეტში
2017-2019 წლებში, ავსტრიის განვითარების სააგენტოს, ავსტრიის ეს-ო-ეს ბავშვთა სოფელსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ფინანსური მხარდაჭერით, განხორციელდა პროექტი - “მოწყვლადი ოჯახების ფსიქო-სოციალური დახმარება და ეკონომიკური გაძლიერება ზუგდიდის მუნიციპალიტეტში“, რომელიც ითვალისწინებდა სოციალურად დაუცველი ოჯახების დახმარებას, მათი შვილების უსაფრთხო და მზრუნველ გარემოში აღზრდა-განვითარების მიზნით.
2017-2019
ლტოლვილობიდან ინკლუზიამდე: უკრაინელი ოჯახების მხარდაჭერა ადრეული განათლების, ფსიქოსოციალური დახმარებისა და თემში ინტეგრაციის გზით
„ეს-ო-ეს ბავშვთა სოფლები მსოფლიოს მასშტაბით“ (SOS-Kinderdörfer weltweit) ფინანსური მხარდაჭერითა და თბილისის საბავშვო ბაღების მართვის სააგენტოსთან თანამშრომლობით, „საქართველოს ეს-ო-ეს ბავშვთა სოფელი“ ახორციელებს 21-თვიან პროექტს - „ლტოლვილობიდან ინკლუზიამდე: უკრაინელი ოჯახების მხარდაჭერა ადრეული განათლების, ფსიქოსოციალური დახმარებისა და თემში ინტეგრაციის გზით“.
2025-2027
საქართველოში ადგილობრივი თემისა და პარტნიორების გაძლიერებით, სოციალურად დაუცველი ბავშვიანი ოჯახების სოციალური და ეკონომიკური ფუნქციონირების გაუმჯობესება
გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით, საქართველოს ეს-ო-ეს ბავშვთა სოფელი ახორციელებს 46-თვიან პროექტს - „საქართველოში ადგილობრივი თემისა და პარტნიორების გაძლიერებით, სოციალურად დაუცველი ბავშვიანი ოჯახების სოციალური და ეკონომიკური ფუნქციონირების გაუმჯობესება“ (2024-2028წწ). პროექტის ადგილობრივ პარტნიორ ორგანიზაციას წარმოადგენს „ჯვარის სათემო განათლების ცენტრი“.
2024-2028